إن كنت تزورنا لأول مرة فيرجى أن تقوم بالتسجيل لكي تتمكن من المشاركة وقراءة المواضيع



 
الرئيسيةبحـثالتسجيلدخول

شاطر | 
 

 اكلات أهل مكة

اذهب الى الأسفل 
كاتب الموضوعرسالة
المآسي
Admin
Admin
avatar

تاريخ التسجيل : 23/12/2009
المشاركات : 277
آلدوله : K.S.A
معدل تقييم المستوى : 11
ذكر

مُساهمةموضوع: اكلات أهل مكة   الجمعة يناير 22, 2010 9:29 pm

السلام عليكم ورحمة الله وبركاته
حبيت اقولكم بعض الأكلات الموجودة في مكة
طبعا علشان انا منها ..هههههه
طبعا حاولو تفهمو لأني ما اقولكم شي... خخخخخ






·الأكلات المكاوية لها طعم ونكهة ونشأة
واللي يحلي الأكلات ويطعمها زيادة إنو لكل أكلة مناسبة تتعلق بيها وما ناكلها إلا في المناسبة حقتها


نحنا كدة المكاكوه وبالزات العتقية القدم لنا تصانيف وتباتيك في الاكل والشرب مايعلم بيها الا الله عز وجل
ماشية معانا من أيام ما فنو الأوادم
والعهدة على الراوي



طيب يا سيدي انت وهو والكلام للجميع


الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟


هيا خدو عندكم ....


الرز بحمبص و السقط و المعرق أو المختوم و الششني



·هادي الأكلات خاصة بالعزا وزيادة في التوضيح
اليوم الأول والتاني والتالت يطبخو الرز البحمبص واليوم التالت



·اللي يسموه قطع العزا يسوو الششني والمعرق والمختوم والسقط

الكابلي أو الزربيان و السمبوسك و الطورمبة



·هادي يسووها وقت المناسبات والأفراح للرجال
أما الحريم يجيبولهم الميز طبعا زمان أول مافي لا ميز ولا يحزنون



·ياكلو من نفس أكل الرجال بس يسوو قليل بريك


·او بف بالجبنة والا باللحمة شغل بيتي يعني واللي تعرف تسوي


·كيك بالبرتكان او الموز تسوي صينية علشان يحلو بيها
بعدين جانا الميز والشغلات الجديدة هادي



المعدوس ( الرز عدس ) هادا يسووه المكاكوة يوم الغيم والمطر



·ومعاه روبيان مكشن بالقوطة والبصل والفلفل الأخضر وزلطة حمر
وكيف لو كنا ساكنين في بلاد الخواجات على كدة



·كل يوم معدوس ألين البطن تسير زي الطبلة

الملوخية الخضرا هادي تتعمل في اليوم الأول من السنة الهجرية الجديدة



·على الغدا من باب التفائل إنو ربنا يجعلها سنة خضرا وخير للجميع

الحليب أبو الهيل هادا برضو كمانة ينشرب في صبحية



·أول يوم في السنة الهجرية الجديدة

السليق هادا يسووه في المناسبات لمن يكون الجو باااااااااااااااااارد


الدبيازة معروفة على ما أعتقد للجميع يسووها للفطور أول يوم العيد


المعمول و الغريبة يسووها في أيام الحج


السمك مايتاكل إلا في الشعبنة علشان في رمضان
الناس ماتاكل السمك بس هيا كدة عادة
شعبنة يعني اضرب سمك وصيادية


عشرة عاشورا ( 10 محرم ) رز زربيان الحلو
و زلطة لبن أبو الفلفل


السحلب يسووه في الأيام الباردة علشان يلم العضم ويدفي



·الجتة بالزات لو فيلو شوية جنزبيل

القهوة الحلوة اللي يحطولها لوز بجلي مهروش طبعا هادي



·وقت البزورة ما ينجحو والا يسقطو يسوولهم هيا قيد ماتفرق
لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة


وغير أكلات رمضان الخشاف و الماسية و مكارنة باللبن إزا تعرفوها و القطايف



·هادي ياكلوها من السنة للسنة

المجلب ( مجموعة أعشاب مخلوطة عن العطارين ) زماااااان



·ويمكن دحين مافي حرمة تنفس وتولد إلا يصنجوها مغراف مجلب علشان


·يكرت وصخ البطن والولادة وينضفها

الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد



السلالي و المقلقل و اللحم نفتكر على طول عيد الحج يندبح الطلي



·ومايبقى شي منو تبارك الرحمن
كل شي يتاكل فيه حتى الرجول يسوو بيها مقادم والمفاصل نلعب بيها كبوش



·والفروه يفرشوه على عتبة البيت زي الدعاسات دحين


·والديل نشوح البزورة بيه زي البواكير
ههههههههههههه


زي ماشفتو الأكلات اللي قلنا عليها لها مناسبة أو وقت معينه تتاكل فيها
مع انو يمدينا ناكلها طووووووووووول السنة مو مشكلة ويمكن كتير ناس هجروا
وفلتو تباتيك زمااان الا مارحم الله بس هيا زي ماتقولوا شغلة تعود


وعلى قولة المسل الله لايقطع العادة إلا بسلااامة





سعودي وافتخر
الرجوع الى أعلى الصفحة اذهب الى الأسفل
http://1mgr.yoo7.com
الفضي
مشرف
مشرف
avatar

تاريخ التسجيل : 21/01/2010
المشاركات : 159
آلدوله : المملكة العربية السعودية-بريدة
معدل تقييم المستوى : 1
ذكر

مُساهمةموضوع: رد: اكلات أهل مكة   الأحد يناير 24, 2010 10:35 am

مشكورررررررررررررررررررررررررررر
الرجوع الى أعلى الصفحة اذهب الى الأسفل
ابوصدىMAX
مشرف
مشرف
avatar

تاريخ التسجيل : 10/07/2010
المشاركات : 268
آلدوله : السعوديه
معدل تقييم المستوى : 7
ذكر

مُساهمةموضوع: رد: اكلات أهل مكة   السبت يوليو 17, 2010 7:16 am

مشكور وماقصرت ...
الرجوع الى أعلى الصفحة اذهب الى الأسفل
http://www.buraydahcity.net/vb/
 
اكلات أهل مكة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديآت العآمه :: مجلس الشباب-
انتقل الى: